CorelDraw упрыгожвае свет
Кацярына ВОЎК
У наша стагоддзе бурнага развіцця навукі і тэхнікі чалавеку ўжо стала цяжка арыентавацца ва ўсіх тэхнічных навінах і ўдасканаленнях. А мне, маладой маладзіцы ды яшчэ са схільнасцямі толькі да гуманітарных навук, тым больш. Але я, да свайго здзіўлення, з дапамогай свайго старэйшага брата вельмі хутка асвоіла персанальны кампутар. Мяне проста адразу жа захапіў такі працэс, калі чалавек, націскаючы клавішы, можа проста дзеяць цуды і адчыняць для сябе новае і нязведанае. Адной з прыкладных камп'ютэрных праграм, якая прыцягнула маю пільную ўвагу і адразу заваявала мяне, была праграма CorelDraw Graphics Suite. Быўшы па справах у сваіх знаёмых, якія працуюць у выдавецтве, я гадзінамі назірала, як яны з яе дапамогай, нібы чараўнікі, стваралі сапраўдныя творы мастацтваў. І гэта было незалежна ад таго ці быў гэта лагатып, рэкламны буклет або дыплом. Маляўнічасць і разнастайнасць іх палітры мяне проста здзіўлялі. І мне падавалася, што гэтыя творы павінны быць адзінымі і непаўторнымі. І неяк было сумна тады, калі знаёмыя ў маёй прысутнасці раздрукоўвалі іх на каляровым прынтэры ў вялікай колькасці. Я часта брала па адным асобніку такіх твораў і акуратна складала іх у сваю папку, якую берагла. Мне заўсёды жадалася стварыць штосьці падобнае. І калі ў мяне на кампутары з'явіўся CorelDraw10, я гадзінамі ў вольны ад працы час спрабавала асвоіць асновы працы з гэтай праграмай. У той час не было ніякіх дапаможнікаў і падручнікаў. Усе інструкцыі былі на ангельскай мове і мне, якая вывучала ў школе нямецкую мову, было цяжка разабрацца ў іх. Так я і жыла з мараю аб тым, што ўсё-такі прыйдзе час, калі я асвою гэтую выдатную праграму і з гонарам пакажу сваім сябрам і знаёмым свой першы твор. Але журналісцкая дзейнасць адымала ў мяне ўсё больш і больш часу, і таму мне ніяк не атрымоўвалася пасцігнуць таямніцы такой мастацкай графічнай камп'ютэрнай працы. Я, падарожнічаючы па прасторах Інтэрнэту, часта капіравала любую інфармацыю, якая змагла бы мне ў будучыні дапамагчы хутка асвоіць прыёмы працы з CorelDraw Graphics Suite. Да маёй радасці за апошнія гады такой інфармацыі з'явілася звыш дастаткова. Былі бы толькі час і жаданне асвоіць гэтую цудоўную праграму. Жаданне ў мяне, вядома, было, а вось часу няма. Я з журботнасцю і гаркатой успамінаю свае студэнцкія гады, калі ўсё-такі была магчымасць асвоіць CorelDraw і іншыя карысныя праграмы. Але я не выкарыстала гэтую магчымасць, а час сышоў беззваротна. Зараз застаецца толькі шкадаваць аб гэтым. Затое ў Інтэрнэце я паступова пазнавала шмат карыснага, як аб самой праграме CorelDraw Graphics Suite, так і аб яе стваральніку кампаніі Corel. І не сказаць аб гэтай кампаніі і яе прадукцыі - значыць, што наогул нічога не сказаць. Калі працуеш з CorelDraw, то стала адчуваеш цеплыню сэрцаў тых людзей, якія стварылі гэты прадукт. Іх імкненне да выдатнага і радаснага перадаецца кожнаму карыстальніку і натхняе яго на творчасць і на самавыяўленне. Мне не жадалася бы паўтараць ужо сталымі збітымі шматлікія рэкламныя словы, але тое, што Corel з'яўляецца творчай кампаніяй у мяне не выклікае ніякага сумнення. Акрамя CorelDraw Graphics Suite яна прапаноўвае карыстальнікам шырокі набор як праграм для фота, відэа, ілюстравання і дызайну, так і вельмі эфектыўныя офісныя праграмы. Я не буду пералічваць усю прадукцыю кампаніі Corel, а толькі назаву яе асноўныя праграмы, тыя, якія я часта бачу ў сваіх знаёмых, уладальнікаў персанальных кампутараў. Вядома, у першую чаргу, гэта CorelDraw Graphics Suite X4, праграма для графічнага дызайну і ілюстравання; Corel Designer Technical Suite X4, поўны графічны пакет, які дазваляе аптымізаваць працэс стварэння графікаў, чарцяжоў і схем; Painter 11, праграма для лічбавага жывапісу і фотажывапісу. Цудоўныя і іншыя праграмы кампаніі Corel. У прыватнасці, такая праграма як Paint Shop Photo Pro X2, якая дазваляе лёгка і проста рэдагаваць фатаграфіі. Лепшымі з'яўляюцца праграмы кампаніі Corel і для стварэння і прайгравання відэафайлаў. Гэта WinDVD 9, праграма для прайгравання DVD-дыскаў і відэафайлаў; VideoStudio 11 Plus, прылада для рэдагавання відэа і складання DVD-дыскаў з падтрымкай высокай выразнасці; DVD Copy 6, прылада для капіравання DVD-дыскаў і ператварэння відэа для персанальных кампутараў і мабільных прылад. Досыць папулярнымі сярод карыстальнікаў сталі такія офісныя праграмы кампаніі Corel, як WordPerfect Office X4, прыкладанне для працы з тэкставымі дакументамі, электроннымі табліцамі і з электроннай поштай, і Corel Home Office, пакет праграм, сумяшчальны з Microsoft Office. Як Вы ўжо зразумелі, дарагія чытачы, кампанія Corel гэта ў першую чаргу вялізны віртуальны свет, свет цікавага і дзівоснага. У зносінах з ім кожны чалавек адчувае сябе стваральнікам і асобай, здольнай выказаць усе свае лепшыя якасці пры дапамозе ужо рэальных мастацкіх сродкаў, будзь гэта ў фатаграфіі, графіцы, відэа або ў музыцы. Кампанія Corel гэта і вялізны рэальны свет з больш за 100 мільёнаў чалавек у розных краінах планеты з добра наладжанай міжнароднай сеткай пастаўшчыкоў і прадаўцоў, вытворцаў вылічальнай тэхнікі і Інтэрнэт крам. Акрамя бізнесу кампанія Corel займаецца і грамадскай дзейнасцю. Прынамсі мне вядомы два Інтэрнэт конкурсу, асноўным арганізатарам якіх была кампанія Corel. Гэта конкурсы World of CorelDraw, праведзеныя ў 2007 і ў 2008 гадах. Калі я праглядала працы, адзначаныя журы конкурсаў, я была проста здзіўлена тымі магчымасцямі, якія падае карыстальнікам праграма CorelDraw Graphics Suite. Мне падаецца што яны бязмежныя, як і бязмежная фантазія ўдзельнікаў конкурсаў, здольных проста дзеяць цуды.
У заключэнне хачу пажадаць усім супрацоўнікам кампаніі Corel поспехаў у іх плённай і высакароднай дзейнасці! Дужага здароўя і шчасця ў асабістым жыцці Вам, дарагія сябры! Да новай сустрэчы ў Інтэрнэце, дарагія чытачы!
